<p><strong>മുടപ്പല്ലൂർ അഴിക്കുളങ്ങര ക്ഷേത്രത്തിന് സമീപം മിനിലോറിയും, ബൈക്കും കൂട്ടിയിടിച്ച് വിദ്യാർത്ഥി മരിച്ചു.</strong><br><br>മുടപ്പല്ലൂർ: മുടപ്പല്ലൂർ അഴിക്കുളങ്ങര ക്ഷേത്രത്തിന് സമീപം മിനിലോറിയും, ബൈക്കും കൂട്ടിയിടിച്ച് വിദ്യാർത്ഥി മരിച്ചു. മേലാർകോട് തുടിക്കോട് റോജിത്ത് (17) ആണ് മരിച്ചത്. ഇന്ന് വൈകുന്നേരം ഏഴരയോടു കൂടിയാണ് അപകടം സംഭവിച്ചത്. <br><br>മുടപ്പല്ലൂർ പാക്കാട്ടിൽ വാടകക്ക് താമസിക്കുകയാണ് റോജിത്തും, കുടുംബവും. മുടപ്പല്ലൂർ ടൗണിലെ തുണിക്കടയിൽ ജോലി ചെയ്യുന്ന അമ്മയെ വിളിക്കാൻ പോകുന്നതിനിടെ നെന്മാറ ഭാഗത്തേക്ക് സിനിമ ഷൂട്ടിംങ്ങിനുള്ള സാധനങ്ങളുമായി പോകുന്ന മിനിലോറിയിൽ ഇടിക്കുകയായിരുന്നു. ഗുരുതരമായി പരിക്കേറ്റ റോജിത്തിനെ നെന്മാറയിലെ സ്വകാര്യ ആശുപത്രിയിൽ എത്തിച്ചെങ്കിലും മരിച്ചു. <br><br>എരിമയൂർ ഗവ.ഹയർ സെക്കൻ്ററി സ്കൂളിലെ പ്ലസ് വൺ വിദ്യാർത്ഥിയാണ് റോജിത്ത്. മൃതദേഹം നെന്മാറ സ്വകാര്യ ആശുപത്രി മോർച്ചറിയിൽ. <br>അച്ഛൻ: കുഞ്ഞുമണി. <br>അമ്മ: അനിത. <br>സഹോദരൻ:&nbsp;റോഹിത്ത്.<br><br></p>